Azken urte hauetan, asko ugaritu dira Europan hegaztien behaketak biltzeaz arduratzen diren web-atariak. Plataforma hauen estaldura, helburuak eta ezaugarri teknikoak ezberdinak izan arren, denen artean bildutako informazioak balio handia du bere osotasunean. Datu guzti hauek guztientzako erabilgarri den datu-base batean elkartzeko asmoz sortu da Euro Bird Portal.

Euro Bird Portal interneteko plataforma bat da, informazioa bildu eta  aurrez aipaturiko atarientzako erabilgarri jartzen duena. Honek Europa mailan hegaztien banaketa espazio-tenporala aztertzeko ikerketak erraztuko ditu.

Gure plataforma, www.ornitho.eus, Aranzadi Zientzia Elkarteak izenpetutako akordioaren bidez, Euro Bird Portal-ek osatzen duen familia handiaren parte da dagoeneko. Xehetasun gehiago ezagutzeko, bisitatu zuzenean web-orria: www.eurobirdportal.org

www.ornitho.eus plataformako oinarri kartografikoa aldatu bitartean, Trebiñuko aipamenak sartu ahal izateko behin behineko irtenbide bat topatu dugu. UTM 30TWN12, 13, 22, 23, 32 eta 33 lauki-sareetako zentroideetan (ertz urdin batez inguratuta), puntu hori batzuk sortu ditugu aipamenak bertan kokatu ahal izateko. Honez gain, "Trebiñuko Konderria" izeneko puntu hori bat sortu dugu, Trebiñu herriaren ondoan kokatua. Hemen ere behaketen aipamenak gehitu daitezke.

Lurralde honetako behaketen aipamenak igotzeko ez bada beharrezkoa 10x10km-ko UTM kuadrikula mailalaraino zehaztea, ondorengo pausuak jarriatzea gomendatzen dizugu:
1. Menuan, klikatu "Nire behaketak sartu".
2. Behin barruan zaudela, tokia zehaztu behar den orria bete beharko duzu. Idatzi "Trebiñuko Konderria" edo soilik "Trebiñu" orriaren goiko ezker aldean dagoen laukitxoan, "testu baten bidez" esaldiaren azpian geratzen dena.
3. Testua sartzerakoan orrialde berri bat zabalduko da eta izen bereko toki bakarra azalduko da ("Trebiñuko Konderria" izeneko puntu horia). "Toki honetan behaketak gehitu" sakatzea nahikoa izango da eskualde honetako aipamen berriak sartzeko sisteman.

Edozein zalantza argitzeko, jarri gurekin harremanetan ornitho@aranzadi.eus helbidearen bidez.

Hemendik aurrera saguzahar behaketak erregistratu ahalko dituzu. Azken honekin, hamar dira www.ornitho.eus plataforman dagoeneko eskuragarri dauden talde taxonomikoak. Saguzarren kasuan, 32 espezieko zerrenda bat jarri dugu eskuragarri eta bertan sartu dira EAEan inoiz behatu ez diren zenbait espezie, mugaldeko eremuetan ikusten direnak. Zerrenda hau, UPV/EHU-ko Jokabide-Ekologia eta Eboluzioa Saguzarretan Ikerketa Taldeak aztertu eta onartu du.

Egun hauetan Txio Txistularietako hainbat zita egoten ari dira E.A.E.an. Gure inguruan ugaltzen ez den ezpeziea da, horrexegatik behatzen ari garenak ale migratzaileak dira bere ugaltzeko tokietara abiatzen ari direlako, Europako iparraldera hain zuzen ere. Urte honetan hiru zita daramagu jadanik, denak apirilean, bi Araban eta best bat Gipuzkoan. Zorionak behatzaile guztioi!

Martxoaren 18, egun bat pasa da www.ornitho.eus inauguratu genuenerik, eta jada badauzkagu 77 behaketak. Hauetatik, 60 hegazti espezieak dira; besteak ugaztun bat, narrasti bat eta anfibio espezie bat dira. Zorionak behatzaileei!