INTERNATIONAL BIRD RINGING PHOTO CONTEST - Argazki-lehiaketa
INTERNATIONAL BIRD RINGING PHOTO CONTEST naturako argazki-lehiaketa bat da, Aranzadi Zientzia Elkarteko Eraztuntze Bulegoak antolatua. Helburua hegaztien eraztun zientifikoekin lotzen diren misioa, ikuspegia eta balioak zabaltzea da, izaki bizidun talde hori ezagutu eta kontserbatzearen alde.
Kalitate handiko argazkiak bilatzen ditugu, hala teknikoak nola estetikoak, basa-hegaztien espezieenak, askatasunean behatuak, banakako edozein identifikazio-marka daramatenak (eraztuna – metalezkoa nahiz kolorezkoa edo urrutitik irakurtzekoa –, lepokoa, hegal-banda, etab.) edo telemetriaren bidezko jarraipen-elementua (GPS, irrati-igorgailua, etab.). Marka horien bidez, jarraipen- eta kontserbazio-historia bat kontatzen diguten hegaztiak. Azken batean, eraztunketaren zergatia eta zertarako den adierazten duten hegaztiak.
(-ek) bidalia Olatz Aizpurua San Roman
2024-02-23
avinews
Parte hartu ZAPELATZ programan 2024an!
2024 ZAPELATZ programa: Euskadiko eguneko baso-harraparien jarraipenean parte hartu!
ZAPELATZ programaren helburua eguneko baso-harraparien monitorizazio egitea da. Horretarako, zentso estandarizatuak egiten dira 5x5km-ko kuadrikuletan honako protokoloa jarraituz (esteka).
Programa honen zentsoak 2022 eta 2023 urteetan egin dira. Egindako kuadrikulako beherako irudian berdez ikus daitezke edo hurrengo mapa interaktiboan. Emaitzak programako parte-hartzaileekin batera baloratu ondoren, zentsuak 2024 urtean zehar luzatzea proposatzen da, zentsuaren estaldura handitzeko, batez ere Bizkaian eta Araban.
Hau horrela izanda, programa honetara murgiltzera animatzen ditugu Ornitho Euskadiko erabiltzaile guztiak 2024 urtean zehar zentsoak eginez. ZAPELATZ programa funtsezkoa da Euskadin eguneko harraparien banaketari buruz dugun ezagutza hobetzeko.
Gogoratu protokoloa esteka honetan begiratu daitekeela. Zentsoko kuadrikulak esteka honetan kontsultatu daitezke.
Parte hartu nahi baduzu, jarri harremanetan Maite Laso koordinatzailearekin mlaso@aranzadi.eus helbidean.
Interesgarria suertatuko zaizuelakoan, agur bero bat,
Orniho Euskadi taldea.
(-ek) bidalia Maite Laso
2023-10-2
avinews
EUSKADI. HEGAZTI HABIAGILEEN ATLASA
Liburuaren aurkezpena: EUSKADI. HEGAZTI HABIAGILEEN ATLASA
Euskadiko hegazti habiagileen lehen atlas modernoa aurkezten dizuegu, Euskadin, Trebiñun eta Villaverde haranean ugaltzen diren hegaztien banaketari eta ugaritasunari buruzko informazioa erakusten duena.
- 180 espezieen ugalketa konfirmatua
- 3 motatako mapak
- Hegazti kopuru estimatuak
- Habitata eta altitudea hautatzeko grafikoak
- 192 ilustrazio esklusiboak
- Kontserbaziora bideratutako sintesi-analisia
Aurrez aurreko aurkezpenak: 19etatik - 20etara
Donostian - URRIAK 17 - Aranzadi Zientzia Elkartean
Hitzaldi honetan Bergarako enarai buruz hitz egingo dugu. Espezie ezberdinak ezagutu ditugu eta dituzten arazoak eta babesteko arrazoiak ikusiko ditugu.
Iazko emaitzak ezagutu eta hegazti intsektujale hauek babesteko Bergaran martxan dugun proiektuan parte hartu.
Osteguna, maiatzak 11, 18:30tan Eskola Zaharreko ekitaldi aretoa.
Hitzaldi honetan Irurako enarai buruz hitz egingo dugu. Espezie ezberdinak ezagutu ditugu eta dituzten arazoak eta babesteko arrazoiak ikusiko ditugu. Inguruko enara azpizuriaren habiak begiztatuko ditugu.
Hegazti intsektujale hauek babesteko Iruran martxan jarriko dugun proiektua ezagutu eta parte hartu.
VITORIA-GASTEIZ UDALERRIAN EGINIKO BELATXIKIEN BEHAKETEN ESKARIA
Antzina ugaria izan arren, mendebaldeko belatxikia (Coloeus monedula) azken hamarkadetan beherakada nabarmenetakoa izan duen espezieetako bat da (zenbait populaziok %75erainokoa). Populazioaren murrizketa hori nabarmena izan da Araban ere, gertaera hau, duela gutxi bada ere, ehiza-espezieen katalogotik ateratzeko arrazoia izan delarik. Gaur egun, Vitoria-Gasteizen daude Euskal Autonomia Erkidegoko (EAE) azken belatxiki ugaltzaileak. 2021eko abenduan, Espainia osoan egindako neguko azken erroldaren arabera, 66 ale inguru bizi dira bertan.Belatxikien populazio horren ekologiaren oinarrizko alderdiei buruzko ezjakintasunak (elikatzeko habitaten edota habiak eraikitzeko aukerak esaterako), mugatu egiten du biziraupena arriskuan jar dezaketen arazoei aurrea hartzeko gaitasuna. Espezie horrek Gasteizen duen portaera espazialaren berri jakiteko, herritarren dei egiten zaie hurrengo 12 hilabeteetan zehar, espezie honi buruzko edozein behaketa jakinaraz dezaten (2023ko maiatzaren 1etik 2024ko maiatzaren 30era arte .
Honako informazio hau biltzea eskatzen da:
Behaketa data (UUUU-HH-EE)
Behaketa ordua (00:00-24:00)
Behatutako tokien koordenatu ahalik eta zehatzenak (ahal dela gradu hamartarretan)
Behatutako belatxikien kopuru maximoa
Belatxikiak egiten ari diren jardueraren deskribapena (behatutako tokian pausatuak dauden edo beste nonbaitera bidean hegan; ugalketa garaian hau ziurta dezaketen jarrerak behatu badira: janaria garraiatzea, kopulak, zuloetan sartzea, materiala eramatea eta abar)
Ugalketa-zantzuak izanez gero, habia izan dezakeen zuloaren deskribapena eta argazkia bidali.
Eraikin batean bada, eraikinaren datuak: kalea, atari zenbakia; edo izena, eraikin historikoa bada (“Done Bizente elizako iparraldeko fatxada”…), azken finean, eraikina identifikatzeko lagungarri izan daitekeen informazio guztia.
Behatzailea
Garrantzitsutzat jo daitezkeen bestelako iruzkinak
Behatzailearen email edota telefonoa (harremanetarako argibideren bat behar izanez gero)
Aipuak bidaltzeko, Ornitho plataforma (www.ornitho.eus) erabiltzea gomendatzen da, horrela informazioa Gasteizko Hegazti Habiagileen Atlasa (www.atlasvg.eus) garatzeko ere baliagarri izango da.Hala ere, ezinezkoa bada, informazioa zuzenean bidal daiteke honako bide hauen bitartez:
Behaketak
Erabileraren estatistikak
19/04/2024
